എന്യൂമറേഷൻ ഫോം സ്വീകരിക്കുന്നത് പൂര്ത്തിയാക്കാൻ തിടുക്കം കാട്ടുന്നില്ലെന്ന് മുഖ്യ തെരഞ്ഞെടുപ്പ് കമ്മീഷണര് ഡോ. രത്തൻ യു ഖേൽക്കര്. ചൊവ്വാഴ്ചയോ ബുധനാഴ്ചയോ തീര്ക്കണമെന്ന് നിര്ബന്ധം പിടിക്കുന്നില്ലെന്നും ജില്ലകളിലെ സാഹചര്യം അനുസരിച്ച് ടാര്ജറ്റ് കളക്ടര്മാര് തീരുമാനിക്കുമെന്നും കണ്ടെത്താനാകാത്ത വോട്ടര്മാരുടെ എണ്ണം ഇനിയും കൂടുമെന്നും തിരുവനന്തപുരത്ത് ഫോം സ്വീകരിക്കാനുള്ള ക്യാമ്പുകൾ സന്ദര്ശിച്ച ശേഷം ഡോ. രത്തൻ യു ഖേൽക്കര് പറഞ്ഞു. തദ്ദേശ തെരഞ്ഞെടുപ്പ് കാലത്തെ എസ്ഐആര് മാറ്റണമെന്നാവശ്യപ്പെട്ട് സംസ്ഥാന സര്ക്കാരും രാഷ്ട്രീയപാര്ട്ടികളും സുപ്രീം കോടതിയെ സമീപിച്ചതിന് പിന്നാലെ ചേര്ന്ന യോഗത്തിലും തീവ്ര വോട്ടര് പട്ടിക പരിഷ്കരണം നീട്ടണമെന്നാവശ്യം പാര്ട്ടികള് ഉന്നയിച്ചിരുന്നു.
