മധുബാല, ഇന്ദ്രന്സ് എന്നിവരെ കേന്ദ്ര കഥാപാത്രങ്ങളാക്കി വര്ഷാ വാസുദേവ് ഒരുക്കുന്ന ‘ചിന്ന ചിന്ന ആസൈ’ ജൂണ് 19ന് ആഗോള റിലീസായി എത്തും. ചിത്രത്തില് വേഷമിടുന്ന വിഷ്ണു അഗസ്ത്യയുടെ ക്യാരക്റ്റര് പോസ്റ്റര് പുറത്തുവിട്ടു. സിദ്ധാര്ഥ എന്ന ഒരു കഥാപാത്രമായിട്ടാണ് ചിത്രത്തില് നടന് വിഷ്ണു അഗസ്ത്യ എത്തുന്നത്. ഈ ചിത്രത്തിലൂടെ ഒരിടവേളയ്ക്ക് ശേഷം ശക്തമായ കേന്ദ്ര കഥാപാത്രവുമായി മധുബാല മലയാളത്തില് എത്തുകയാണ്. മധുബാലക്കൊപ്പം, ഗംഭീരമായ അഭിനയ മുഹൂര്ത്തങ്ങളിലൂടെ ഇന്ദ്രന്സുമെത്തുന്നു. ദുല്ഖറിന്റെ വേഫെറര് ഫിലിംസ് ആണ് ചിത്രം കേരളത്തിലെ തീയേറ്ററുകളില് എത്തിക്കുന്നത്. അഭിജിത് ബാബുജിയാണ് ചിത്രം നിര്മ്മിക്കുന്നത്. നവാഗതയായ വര്ഷാ വാസുദേവ് ആണ് ഈ ചിത്രം സംവിധാനം ചെയ്തത്. ഇവര് തന്നെയാണ് ചിത്രത്തിന്റെ രചനയും. ഗോവിന്ദ് വസന്ത ഒരുക്കിയ ഹൃദയ സ്പര്ശിയായ സംഗീതത്തിന്റെ പശ്ചാത്തലത്തോടെ ആണ് ചിത്രം ഒരുക്കിയിരിക്കുന്നത്.