ഇന്ത്യയില് തങ്ങളുടെ ആദ്യ പ്ലഗ് ഇന് ഹൈബ്രിഡ് മോഡല് അവതരിപ്പിച്ച് ബിവൈഡി. ഒറ്റ ചാര്ജില് ആയിരം കിലോമീറ്റര് റേഞ്ച് നല്കുമെന്നതാണ് ഇതിന്റെ സവിശേഷത. സീല് യു എന്ന പേരില് ഈ വര്ഷം അവസാനത്തോടെ കാര് ഇന്ത്യന് വിപണിയിലെത്തും. പെട്രോള് എന്ജിന്റെ കരുത്തിനൊപ്പം വൈദ്യുതി ബാറ്ററിയുടെ പിന്തുണയും ചേരുന്നതോടെ ദീര്ഘദൂര യാത്രക്ക് അനുയോജ്യമായ വാഹനമായി ഇത് മാറും. ബിവൈഡിയുടെ ഡിഎം-ഐ സാങ്കേതികവിദ്യ ഏറെ വ്യത്യസ്തമാണ്. ഈ സംവിധാനം ‘ഇലക്ട്രിക്-ഫസ്റ്റ്’ ആണ്. അതായത്, വാഹനം പരമാവധി ബാറ്ററി കരുത്തില്ത്തന്നെ ഓടിക്കാന് ഇത് ശ്രമിക്കുന്നു. പെട്രോള് എന്ജിന് പ്രവര്ത്തിക്കുമെങ്കിലും അത് വൈദ്യുതി ഉല്പ്പാദിപ്പിക്കാന് വേണ്ടി മാത്രമായിരിക്കും. 1.5 ലിറ്റര് ഷിയാവുന് പെട്രോള് എന്ജിനാണ് ഇതിന്റെ കരുത്ത്. ഈ എന്ജിന് 43.04 ശതമാനം തെര്മല് എഫിഷ്യന്സി ഉണ്ട്. ഈ വാഹനത്തിന് 1,200 കിലോമീറ്ററിലധികം കമ്പൈന്ഡ് റേഞ്ച് ആണ് കമ്പനി അവകാശപ്പെടുന്നത്.
