മുഖ്യമന്ത്രി പ്രതിസ്ഥാനത്ത് നല്കുന്ന ദുരിതാശ്വാസനിധി തട്ടിപ്പ് കേസില് ഹീയറിംഗ് പൂര്ത്തിയായിട്ട് മാര്ച്ച് 18ന് ഒരു വര്ഷമാകുമ്പോള് വിധി പറയാന് ലോകായുക്ത തയാറാകുന്നില്ലെന്ന് കെപിസിസി പ്രസിഡന്റ് കെ സുധാകരന് എംപി. കര്ണാടകത്തിലെ ലോകായുക്ത ഭരണകക്ഷി എംഎല്എയുടെ വീട്ടില് കയറിവരെ റെയ്ഡ് നടത്തുമ്പോൾ പിണറായി സര്ക്കാര് വന്ധീകരിച്ച കേരളത്തിലെ ലോകായുക്ത കെട്ടുകാഴ്ചയായി മാറിയെന്ന് കെ സുധാകരന് പറഞ്ഞു.ഹീയറിംഗ് പൂര്ത്തിയായാല് ആറുമാസത്തിനകം വിധി പറയണമെന്ന സുപ്രിംകോടതി നിര്ദേശമൊന്നും കേരള ലോകായുക്തക്ക് ബാധകമല്ല. ലോകായുക്തയുടെ ചിറകരിഞ്ഞ ബില് ദീര്ഘകാലമായി ഗവര്ണറുടെ മുമ്പിലുണ്ടെങ്കിലും അദ്ദേഹവും അതിന്മേല് അടയിരിക്കുകയാണ്. സര്ക്കാരും ഗവര്ണറും ലോകായുക്തയും ചേര്ന്ന ത്രിമൂര്ത്തികള് കേരളത്തിന്റെ അഴിമതി വിരുദ്ധ പോരാട്ടത്തെ ഇല്ലാതാക്കിയെന്നു സുധാകരന് ചൂണ്ടിക്കാട്ടി.
