നടൻ ദുൽഖർ സൽമാന്റെ കാർ വിട്ടു നൽകാൻ കസ്റ്റംസ് അഡീഷണൽ കമ്മീഷണറുടെ ഉത്തരവ്. 20 ശതമാനം ബാങ്ക് ഗ്യാരണ്ടിയിലാണ് ലാൻഡ് റോവർ ഡിഫെൻഡർ വിട്ടു നൽകുന്നത്. വാഹനം കേരളത്തിന് പുറത്തേക്ക് കൊണ്ട് പോകരുതെന്നും എപ്പോൾ വിളിപ്പിച്ചാലും വാഹനം ഹാജരാക്കണമെന്നും നിർദേശം നൽകിയിട്ടുണ്ട്. അതേസമയം, ദുൽഖറിനൊപ്പം റോബിൻ എന്നയാളുടെ വാഹനം കൂടി വിട്ടു നൽകുമെന്ന് കസ്റ്റംസ് അറിയിച്ചു.
