സുരഭി ലക്ഷ്മിയെ കേന്ദ്ര കഥാപാത്രമാക്കി ജയരാജ് സംവിധാനം ചെയ്ത ‘അവള്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പ്രകാശനം ചെയ്തു. സുരഭി ലക്ഷ്മിയുടെ അഭിനയ ജീവിതത്തിലെ ഏറ്റവും ശക്തമായ കഥാപാത്രങ്ങളില് ഒന്നായിരിക്കും അവളിലെ ‘പ്രഭ’ എന്ന് സംവിധായകന് ജയരാജ് വ്യക്തമാക്കി. നിരഞ്ജന അനൂപ്, കെ പി എ സി ലളിത, സബിത ജയരാജ്, നിതിന് രണ്ജി പണിക്കര്, ഷൈനി സാറ, മനോജ് ഗോവിന്ദന്, ഷിബു നായര് തുടങ്ങിയവരാണ് മറ്റു പ്രമുഖ താരങ്ങള്. ഗോള്ഡന് വിങ്സ് മീഡിയ പ്രൊഡക്ഷന്സിന്റെ ബാനറില് ഡോ. മനോജ് ഗോവിന്ദന്, ഷിബു നായര്, ജയരാജ് എന്നിവര് ചേര്ന്ന് നിര്മ്മിച്ച ഈ ചിത്രത്തിന്റെ ഛായാഗ്രഹണം സച്ചു സജി നിര്വഹിക്കുന്നു. എഡിറ്റിംഗ് ശ്രീജിത്ത് സി ആര്, ഗാനരചന മുഹാദ് വെമ്പായം, സംഗീതം കണ്ണന് സി ജെ. ഒക്ടോബര് മൂന്നിന് അവള് പ്രദര്ശനത്തിനെത്തും.
