രാജ്യസഭയിൽ കേരളത്തിനെതിരെ വിമർശനവുമായി ധനമന്ത്രി നിർമ്മല സീതാരാമൻ

കേരളത്തിൽ ബസിൽ നിന്നിറങ്ങി ലഗേജുമായി പോകുന്നവർക്കെതിരെ പോലും നോക്കുകൂലി ചുമത്തുമെന്ന  വിമർശനവുമായി രാജ്യസഭയിൽ ധനമന്ത്രി നിർമ്മല സീതാരാമൻ. സിപിഎമ്മുകാരാണ് നോക്കുകൂലിക്ക് പിന്നിലെന്നും  അങ്ങനെയുള്ള കമ്യൂണിസമാണ് കേരളത്തിലുള്ളത്, ആ കമ്യൂണിസമാണ് കേരളത്തിൽ  വ്യവസായം തകർത്തതെന്നും  മന്ത്രി ആരോപിച്ചു. കേരളത്തിന്‍റെ  മുഖ്യമന്ത്രിക്ക് 2 ദിവസം മുൻപ് നൽകിയ ഇന്‍റർവ്യൂവിൽ പോലും അവിടെ നോക്കുകൂലിയില്ലെന്ന് പറയേണ്ടി വരുന്നുവെന്നും  തന്നെ കൂടുതൽ പഠിപ്പിക്കാൻ നിൽക്കേണ്ടെന്നും ആ മേഖലയിൽ നിന്നുള്ളയാളാണ് താനെന്നും പ്രതിഷേധിച്ച പ്രതിപക്ഷ അംഗങ്ങളോട്  അവര്‍ പറഞ്ഞു.