ഒന്പത് മാസം നീണ്ട ദൗത്യം പൂര്ത്തിയാക്കി ഭൂമിയിലേക്ക് തിരിച്ചെത്തുന്ന നാസയുടെ ബഹിരാകാശ യാത്രികയും ഇന്ത്യന് വംശജയുമായ സുനിത വില്യംസിന് ആശംസകളുമായി പ്രധാനമന്ത്രി നരേന്ദ്ര മോദി. സുനിതയുടെ നേട്ടങ്ങളില് 140 കോടി ഇന്ത്യക്കാര് എപ്പോഴും അഭിമാനം കൊള്ളുന്നതായും സുനിതയും ബുച്ചും വിജയകരമായി ലാന്ഡ് ചെയ്യാന് ആശംസകള് നേരുന്നതായും പ്രധാനമന്ത്രി കുറിച്ചു. ദൗത്യത്തിന് ശേഷം ഇന്ത്യയില് സുനിത വില്യംസിനെ പ്രതീക്ഷിക്കുന്നതായും, രാജ്യത്തിന്റെ അഭിമാനപുത്രിയ്ക്ക് ആതിഥേയത്വമരുളുന്നതില് അതിയായ സന്തോഷമെന്നും പ്രധാനമന്ത്രി നരേന്ദ്ര മോദി കൂട്ടിച്ചേര്ത്തു. സുനിതയുടെ ജീവിതപങ്കാളി മൈക്കല് വില്യംസിനും സുനിതയുടെ ബഹിരാകാശ സഹയാത്രികന് ബാരി വില്മോറിനും പ്രധാനമന്ത്രി നരേന്ദ്ര മോദി ആശംസകള് നേര്ന്നു.
