തലശേരിയില് ബി.ജെ.പി സി.പി.എം സംഘര്ഷമുണ്ടായപ്പോള് ഇടപെട്ട പൊലീസിനെ സി.പി.എം ക്രിമിനലുകൾ നിലത്തിട്ട് ചവിട്ടിക്കൂട്ടിയ സംഭവത്തില് വനിത ഉള്പ്പെടെ രണ്ട് എസ്.ഐമാര്ക്കെതിരെ നടപടി എടുത്തതുമായി ബന്ധപ്പെട്ട് ഇത് എന്ത് പൊലീസാണെന്ന് പ്രതിപക്ഷ നേതാവ് വിഡി സതീശന് ചോദിച്ചു. പിണറായി വിജയന് ആഭ്യന്തര മന്ത്രിയായി ഇരിക്കുമ്പോള് പൊലീസ് എടുത്ത കേസില് അതേ പൊലീസ് ഉദ്യോഗസ്ഥരെ സ്ഥലം മാറ്റിയതിലൂടെ എന്ത് നീതിയാണ് നടപ്പാക്കുന്നതെന്നും പൊലീസിന്റെ ആത്മവീര്യം തകര്ക്കുന്ന സംഭവമാണ് തലശേരിയില് ഉണ്ടായതെന്നും പൊലീസിനെക്കാള് വലുതാണ് സി.പി.എം എന്ന സന്ദേശമാണ് സര്ക്കാര് നല്കിയതെന്നും വിഡി സതീശന് കുറ്റപ്പെടുത്തി.
