ഉപതെരഞ്ഞെടുപ്പ് ഒഴിവാക്കാമായിരുന്നുവെന്ന് ലാല്‍ജോസ്

ചേലക്കരയിലെ മത്സരം പ്രവചനാതീതമാണെന്ന് സിനിമ സംവിധായകന്‍ ലാല്‍ജോസ്.  ഉപതെരഞ്ഞെടുപ്പ് ഒഴിവാക്കാമായിരുന്നുവെന്നും, ഇങ്ങനെ തന്നെ ജനങ്ങളുടെ കാശ് കുറെ പോകുന്നുണ്ടെന്നും അദ്ദേഹം പറഞ്ഞു. ചേലക്കരയില്‍ വികസനം വേണം സ്കൂളുകൾ മെച്ചപ്പെട്ടു പക്ഷേ  റോഡുകള്‍ ഇനിയും മെച്ചപ്പെടണമെന്നും തുടർച്ചയായി ഭരിക്കുമ്പോൾ പരാതികൾ ഉണ്ടാകുമെന്നും തനിക്ക് സർക്കാരിനെതിരെ പരാതി ഇല്ലെന്നും ലാൽ  ജോസ് കൂട്ടിച്ചേർത്തു. കൊണ്ടാഴി പഞ്ചായത്തിലെ മായന്നൂർ എൽ പി സ്കൂളിലെ 97 ആം ബൂത്തില്‍  വോട്ട് രേഖപ്പെടുത്തിയ ശേഷം സംസാരിക്കുകയായിരുന്നു ലാൽ  ജോസ്.