റിയല്മി 16 പ്രോയുടെ പ്രത്യേക ഹാരി പോട്ടര് എഡിഷന് സെപ്റ്റംബര് 21ന് ഇന്ത്യയില് അവതരിപ്പിക്കും. ഫോണിന്റെ ഡിസൈന് പൂര്ണ്ണമായും ഹോഗ്വാര്ട്ട്സ് ലോകത്തില് നിന്ന് പ്രചോദനം ഉള്ക്കൊണ്ടതാണ്. കമ്പനിയുടെ വെബ്സൈറ്റിലും ഫ്ലിപ്കാര്ട്ടിലും ഇതിനായി പ്രത്യേക മൈക്രോസൈറ്റ് ഇപ്പോള് ലൈവാണ്. ബ്രൗണ് ലെതര് ഫിനിഷിലാണ് ഫോണ് എത്തുന്നത്. പിന് പാനലില് വിസാര്ഡ്സ് ചെസ്സിനെ അനുസ്മരിപ്പിക്കുന്ന ആര്ഗൈല് ടെക്സ്ചറാണ് നല്കിയിരിക്കുന്നത്. പിന്നില് മധ്യഭാഗത്തായി ഹോഗ്വാര്ട്ട്സ് ക്രെസ്റ്റ് ആലേഖനം ചെയ്തിട്ടുണ്ട്, അതിനൊപ്പം ഹാരി പോട്ടര് വേഡ്മാര്ക്കും ഉണ്ട്. കാമറ ലെന്സുകള് ഹാരി പോട്ടറുടെ പ്രിയപ്പെട്ട മൂങ്ങയുടെ കണ്ണുകള് പോലെയാണ്. ഹാരി പോട്ടര് എഡിഷനൊപ്പം ഹോഗ്വാര്ട്ട്സ് തീമിലുള്ള ലിമിറ്റഡ് എഡിഷന് ഗിഫ്റ്റിങ് ബോക്സും റിയല്മി നല്കും. ഹാരി പോട്ടറുടെ ഐക്കണിക് ട്രങ്ക് പോലെയാണ് ഈ ബോക്സ്. വെറും 5,000 യൂണിറ്റുകള് മാത്രമാണ് ഈ ഗിഫ്റ്റ് ബോക്സ് ലഭ്യമാകു.