വിനയ് ഫോര്ട്ട് നായകനായെത്തുന്ന പുതിയ ചിത്രം ‘സംശയം’ ടീസര് എത്തി. ഭാര്യ ഗര്ഭിണിയാണെന്നു സന്തോഷത്തോടെ തന്റെ അച്ഛനെ പറഞ്ഞറിയിക്കുന്ന യുവാവിനെ ടീസറില് കാണാം. കുഞ്ഞിന്റെ ജനനവും അതുമായി ബന്ധപ്പെട്ടുണ്ടാകുന്ന ചില ‘സംശയങ്ങളും’ രസകരമായ നര്മത്തിന്റെ മേമ്പൊടിയോടെ അവതരിപ്പിക്കുന്ന സിനിമയാകും ‘സംശയം’. ‘ആട്ടം’ സിനിമയ്ക്കു ശേഷം വിനയ് ഫോര്ട്ട് നായകനായെത്തുന്ന ചിത്രം പൊട്ടിച്ചിരിക്കളും, ട്വിസ്റ്റുകളും നിറഞ്ഞ ഒരു കുടുംബ ചിത്രം. സംശയരോഗവുമായി ബന്ധപ്പെട്ട കഥയാണ് ചിത്രത്തിന്റേതെന്നാണ് സൂചന. വിനയ് ഫോര്ട്ട്, ഷറഫുദീന്, ലിജോമോള്, പ്രിയംവദ കൃഷ്ണന് എന്നിവര് കേന്ദ്ര കഥാപാത്രങ്ങളാകുന്നു. രാജേഷ് രവിയാണ് രചനയും സംവിധാനവും. 1895 സ്റ്റുഡിയോസിന്റെ ബാനറില് സുരാജ് പി.എസ്., ഡിക്സണ് പൊടുത്താസ്, ലിനോ ഫിലിപ്പ് എന്നിവര് ചേര്ന്നാണ് നിര്മാണം. സംഗീതം: ഹിഷാം അബ്ദുല് വഹാബ്. ഛായഗ്രഹണം മനീഷ് മാധവന്.
