കേരള ഫിനാൻഷ്യൽ കോർപ്പറേഷനുമായി ബന്ധപ്പെട്ട അഴിമതിയിൽ സര്ക്കാരിനോട് അഞ്ചു ചോദ്യങ്ങള് ഉന്നയിച്ച് പ്രതിപക്ഷ നേതാവ് വിഡി സതീശന്. അനില് അംബാനിയുടെ കമ്പനികള് സാമ്പത്തികമായി തകര്ന്നു കൊണ്ടിരിക്കുന്ന കാലത്ത് ആര്.സി.എഫ്.എല്ലില് കേരള ഫിനാന്ഷ്യല് കോര്പറേഷന് 60.80 കോടി രൂപ നിക്ഷേപിച്ച് സംസ്ഥാന ഖജനാവിന് 101 കോടി രൂപയുടെ നഷ്ടമാണ് ഇതുവരെ ഉണ്ടാക്കിയതെന്നും അദ്ദേഹം പറഞ്ഞു. അനില് അംബാനിയുടെ റിലയന്സ് ഗ്രൂപ്പില് കെ.എഫ്.സി നടത്തിയ നിക്ഷേപം ബോര്ഡ് തീരുമാനത്തിന്റെ അടിസ്ഥാനത്തില് ആയിരുന്നോ, റിലയന്സ് കമ്മ്യൂണിക്കേഷന്സിന്റെയും സാമ്പത്തിക സ്ഥിതിയും സാമ്പത്തിക ബാധ്യതകളും പരിശോധിച്ചിരുന്നോ എന്ന് തുടങ്ങി അഞ്ച് ചോദ്യങ്ങള് ഉന്നയിക്കുകയാണെന്നും ഈ ചോദ്യങ്ങള്ക്ക് സര്ക്കാര് മറുപടി നല്കിയേ മതിയാകൂയെന്നും അദ്ദേഹം പറഞ്ഞു.
