വന്യജീവി ആക്രമണത്തില് പ്രതിഷേധിച്ച് വയനാട് ജില്ലയില് രാവിലെ ആറുമണി മുതല് വൈകീട്ട് ആറുവരെ നാളെ യു.ഡി.എഫ് ഹര്ത്താല്. ദിവസേനയെന്നോണം ജില്ലയില് ആക്രമണത്തില് മനുഷ്യജീവനുകൾ നഷ്ടപ്പെട്ടിട്ടും യാതൊരുവിധ നടപടിയും സ്വീകരിക്കാത്ത സര്ക്കാര് നിലപാടിൽ പ്രതിഷേധിച്ചുകൊണ്ടാണ് ഹര്ത്താല് നടത്തുന്നതെന്ന് യുഡിഎഫ് ജില്ലാ ചെയര്മാന് കെ.കെ അഹമ്മദ് ഹാജിയും കണ്വീനര് പി.ടി ഗോപാലക്കുറുപ്പും അറിയിച്ചു. അവശ്യ സര്വീസുകളെ ഹര്ത്താലില്നിന്ന് ഒഴിവാക്കിയതായി നേതാക്കള് അറിയിച്ചു. രണ്ടുദിവസത്തിനിടെ രണ്ടുപേര് കാട്ടാനയുടെ ആക്രമണത്തില് കൊല്ലപ്പെട്ടിരുന്നു.
