കണ്ണൂര് പയ്യന്നൂര് പൊലീസ് സ്റ്റേഷനിലെ മൂന്ന് സിവിൽ പൊലീസ് ഓഫീസര്മാര്ക്ക് സ്ഥലം മാറ്റം. രാത്രി ഡ്യൂട്ടിക്കിടെ ഉറങ്ങിപ്പോയതിനാണ് പയ്യന്നൂര് പൊലീസ് സ്റ്റേഷനിലെ മൂന്ന് സിപിഒമാര്ക്കെതിരെ നടപടിയെടുത്തത്. ഈ സമയം ലോക്കപ്പിൽ പ്രതികളുണ്ടായിരുന്നു. തളിപ്പറമ്പ് ഡിവൈഎസ്പി നൽകിയ റിപ്പോർട്ടിന്റെ അടിസ്ഥാനത്തിൽ കണ്ണൂർ റൂറൽ എസ് പിയാണ് നടപടിയെടുത്തത്. ഇക്കഴിഞ്ഞ തിങ്കളാഴ്ച രാത്രിയിലായിരുന്നു സംഭവം. പാറാവ് ഡ്യൂട്ടിക്കിടെയുണ്ടായിരുന്ന പൊലീസുകാര് ഉറങ്ങിപ്പോയെന്നാണ് അധികൃതര് പറയുന്നത്.
