ആസ്റ്റര് ഡിഎം ക്വാളിറ്റി കെയര് ലിമിറ്റഡിന്റെ ഈ സാമ്പത്തിക വര്ഷത്തിലെ ആദ്യ പാദത്തിലെ ഫലങ്ങള് പുറത്തുവിട്ടു. ലയനത്തിന് ശേഷമുള്ള കമ്പനിയുടെ ആദ്യ സാമ്പത്തിക റിപ്പോര്ട്ടാണിത്. മുന്വര്ഷം സമാനപാദത്തെ അപേക്ഷിച്ച് വരുമാനം 20 ശതമാനം വര്ധിച്ച് 2,597 കോടി രൂപയായി. പ്രവര്ത്തന ലാഭം 30 ശതമാനം വളര്ച്ചയോടെ 576 കോടി രൂപയിലെത്തി. കാസര്ഗോഡ് പ്രവര്ത്തനം ആരംഭിച്ച ആശുപത്രി ഒമ്പതാം മാസത്തില് തന്നെ പ്രവര്ത്തന ലാഭത്തിലെത്തി. ആസ്റ്റര്, കെയര്, കിംസ് ഇന്ത്യ, എവര്കെയര് എന്നീ നാല് മുന്നിര ബ്രാന്ഡുകളെ ഒരൊറ്റ ശൃംഖലയ്ക്ക് കീഴില് കൊണ്ടുവന്നതിലൂടെ കരുത്തുറ്റ പ്ലാറ്റ്ഫോമായി ആസ്റ്റര് ഡിഎം ക്വാളിറ്റി കെയര് മാറി. നിലവില് 28 നഗരങ്ങളിലായി 39 ആശുപത്രികളും 10,800 കിടക്കകളുമുള്ള രാജ്യത്തെ ഏറ്റവും വലിയ സ്വകാര്യ ആരോഗ്യപരിചരണ ശൃംഖലകളിലൊന്നാണ് ആസ്റ്റര് ഡിഎം ക്വാളിറ്റി കെയര്.
