പാലിയേക്കര ടോൾ പ്ലാസ മാനേജരുടെ പരാതിയിൽ കഴിഞ്ഞ ദിവസം നടന്ന സമരവുമായി ബന്ധപ്പെട്ട് കോണ്ഗ്രസ് എം.പിമാര്ക്കും മറ്റു നേതാക്കള്ക്കുമെതിരെ പുതുക്കാട് പൊലീസ് കേസെടുത്തു. കോണ്ഗ്രസ് നേതാക്കളായ ടി എൻ പ്രതാപൻ എം.പി, രമ്യ ഹരിദാസ് എം.പി, മുന് എം.എല്.എ അനിൽ അക്കര, ജോസ് വള്ളൂർ, ജോസഫ് ടാജറ്റ് എന്നിവർക്കും കണ്ടാലറിയാവുന്ന 145 പേർക്കെതിരെയും ആണ് പൊലീസ് കേസെടുത്തിരിക്കുന്നത്. ടോൾ ഗെയ്റ്റിലുണ്ടായ നാശനഷ്ടം ഉൾപ്പെടെ ഏഴു ലക്ഷം രൂപയിൽ അധികം നഷ്ടമുണ്ടായതായാണ് ടോള് പ്ലാസ അധികൃതരുടെ പരാതി.
