സത്യന് അന്തിക്കാടും മോഹന്ലാലും ഒന്നിച്ച ചിത്രമായിരുന്നു ‘ഹൃദയപൂര്വ്വം’. ചിത്രത്തിലെ ഒരു ഗാനത്തിന്റെ സ്റ്റുഡിയോ വെര്ഷന് പുറത്തുവിട്ടിരിക്കുകയാണ് അണിയറക്കാര്. ഹൃദയവാതില് എന്ന് തുടങ്ങുന്ന ഗാനമാണ് പുറത്തെത്തിയിരിക്കുന്നത്. മനു മഞ്ജിത്തിന്റെ വരികള്ക്ക് ജസ്റ്റിന് പ്രഭാകരന് ഈണമിട്ട് എസ് പി ചരണ് പാടിയ ഗാനമാണ് പുറത്തെത്തിയിരിക്കുന്നത്. ഇടവേളയ്ക്ക് ശേഷമാണ് സത്യന് അന്തിക്കാട്- മോഹന്ലാല് ടീം വീണ്ടും ഒന്നിക്കുന്നത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മ്മിച്ച ചിത്രത്തില് മാളവിക മോഹനന്, സംഗീത് പ്രതാപ്, സംഗീത എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. പൂനെയാണ് ചിത്രത്തിന്റെ പ്രധാന കഥാപശ്ചാത്തലം. സിദ്ദിഖ്, ബാബുരാജ്, ലാലു അലക്സ് എന്നിവരും ഈ ചിത്രത്തിലെ പ്രധാന താരങ്ങളാണ്. അഖില് സത്യന്റേതാണ് ചിത്രത്തിന്റെ കഥ. ടി പി സോനു എന്ന നവാഗതന് തിരക്കഥ ഒരുക്കുന്നു.