റഷ്യയില് നിന്നുള്ള ക്രൂഡ് ഓയില് ഇറക്കുമതി ഇന്ത്യ നിര്ത്തിയാല് രാജ്യത്തിന്റെ എണ്ണ ഇറക്കുമതി ചെലവ്78,885 കോടി രൂപ മുതല് 1.05 ലക്ഷം കോടി രൂപ വരെ വര്ധിക്കുമെന്ന് സ്റ്റേറ്റ് ബാങ്ക് ഓഫ് ഇന്ത്യയുടെ റിപ്പോര്ട്ട്. 2026 സാമ്പത്തിക വര്ഷം ശേഷിക്കുന്ന കാലയളവില് റഷ്യയില് നിന്നുള്ള എണ്ണ ഇറക്കുമതി നിര്ത്തിയാല് ഇറക്കുമതി ചെലവില് 78,885 കോടി രൂപയുടെ വര്ധനവുണ്ടാകുമെന്നും അടുത്ത സാമ്പത്തിക വര്ഷം ഇത് 1,02,550 കോടി രൂപയിലെത്തുമെന്നും റിപ്പോര്ട്ട് ചൂണ്ടിക്കാട്ടുന്നു.
