ഫാസിസവുമായി എല്ലാ കാലത്തും കേരളത്തിലെ സിപിഎം സന്ധി ചെയ്തിട്ടുണ്ടെന്ന് പ്രതിപക്ഷ നേതാവ് വി ഡി സതീശൻ. ഇപ്പോള് പിടിച്ചു നില്ക്കാന് വേണ്ടിയാണ് മോദി സര്ക്കാര് ഫാസിസ്റ്റ് സര്ക്കാരല്ലെന്ന പുതിയ രേഖ അവതരിപ്പിച്ചിരിക്കുന്നതെന്നും മോദിയുമായി കൈകോര്ക്കാനും സംഘ പരിവാറുമായി സന്ധി ചെയ്യാനും അവര്ക്ക് കീഴടങ്ങാനുമുള്ള സിപിഎം തീരുമാനത്തിന്റെ ഭാഗമാണിതെന്നും അദ്ദേഹം പറഞ്ഞു. മോദി സര്ക്കാര് ഫാസിസ്റ്റ് സര്ക്കാര് അല്ലെന്ന സിപിഎമ്മിന്റെ പുതിയ രേഖ ഒരിക്കലും ഞെട്ടലുണ്ടാക്കുന്നതല്ലെന്നും കാലങ്ങളായി ബിജെപിയുമായുള്ള രഹസ്യബന്ധമാണ് ഇപ്പോള് പുറത്തായതെന്നും അദ്ദേഹം കൂട്ടിച്ചേർത്തു.
