യു.എസ്. ഡോളറിനെതിരെ രൂപയുടെ മൂല്യം രണ്ടു മാസത്തെ ഉയര്ന്ന നിരക്കിലെത്തി. 47 പൈസ ഉയര്ന്ന് 94.26 നിലവാരത്തിലാണ് വ്യാപാരം നടക്കുന്നത്. പ്രതീക്ഷിച്ചതിനേക്കാള് കൂടുതല് വിദേശനാണ്യം സമാഹരിക്കാനായതാണ് രൂപയ്ക്ക് കരുത്തായത്. ആര്.ബി.ഐ.യുടെ കണക്കുപ്രകാരം പ്രത്യേക നിക്ഷേപ പദ്ധതികളിലൂടെ 136.38 ബില്യണ് ഡോളറാണ് സമാഹരിച്ചത്. ആഗോളതലത്തില് ഡോളര് സൂചികയിലുണ്ടായ ഇടിവും ഏഷ്യന് കറന്സികളുടെ തിരിച്ചുവരവും രൂപയ്ക്ക് അനുകൂലമായി. എഫ്.സി.എന്.ആര്. വഴി 100 ബില്യണ് ഡോളര് സമാഹരിക്കാനാണ് ലക്ഷ്യമിട്ടിരുന്നതെങ്കിലും അതിനേക്കാള് കൂടുതല് തുക ബാങ്കുകളിലെത്തി. ഡോളര് സൂചിക 99.50-ന് താഴേക്ക് പതിച്ചതും ജപ്പാനീസ് യെന്നിലുണ്ടായ മുന്നേറ്റവും ഡോളറിന്റെ കരുത്തു കുറച്ചു. ഇതും ഏഷ്യന് കറന്സികളിലുണ്ടായ ഉണര്വും രൂപയ്ക്ക് ഗുണകരമായി മാറിയിട്ടുണ്ട്.