സൈബര് തട്ടിപ്പിനെതിരെ സംസ്ഥാന വ്യാപകമായി നടക്കുന്ന ഓപ്പറേഷന് സൈ ഹണ്ടിന്റെ ഭാഗമായി നടത്തിയ പരിശോധനയിൽ കുടുങ്ങിയത് നിരവധി യുവാക്കളെന്ന് റിപ്പോർട്. സംശയാസ്പദമായി ഇടപാടുകള് നടന്നുവരുന്ന ബാങ്ക് അക്കൗണ്ടുകള് പൊലീസിന്റെ നിരീക്ഷണത്തിലായിരുന്നു. ഏറ്റവുമധികം സംശയാസ്പദമായി ഇടപാടുകള് നടന്ന 57 അക്കൗണ്ട് ഉടമകളുടെ വിവരങ്ങള് ശേഖരിച്ച് അവരുടെ വീടുകളില് റെയ്ഡ് നടത്തി. 27 പേരെ കസ്റ്റഡിയിലെടുത്തു നോട്ടീസ് നല്കി.ഇതുമായി ബന്ധപ്പെട്ട് 20 കേസുകളാണ് രജിസ്റ്റര് ചെയ്തിട്ടുള്ളത്. തട്ടിപ്പില് നേരിട്ട് പങ്കാളികളായവരും, കമ്മീഷന് വാങ്ങി സ്വന്തം ബാങ്ക് അക്കൗണ്ടുകള് ദുരുപയോഗം ചെയ്യാന് നല്കിയവരും പിടിയിലായവരില് ഉള്പ്പെടും. വരും ദിവസങ്ങളിലും പൊലീസ് സൈബര് വിങ്ങിന്റെ നിരീക്ഷണം തുടരും.
