പള്സ് പോളിയോ ഇമ്മ്യൂണൈസേഷന്റെ ഭാഗമായി ആരോഗ്യ വകുപ്പ് വിപുലമായ ഒരുക്കങ്ങളാണ് നടത്തിയിട്ടുള്ളത്. പോളിയോ ഇമ്യൂണൈസേഷന്റെ സംസ്ഥാനതല ഉദ്ഘാടനം ഇന്ന് രാവിലെ പത്തനംതിട്ടയില് നടക്കും. രാവിലെ 8 മണി മുതല് വൈകിട്ട് 5 മണി വരെയാണ് പോളിയോ ബൂത്തുകള് പ്രവര്ത്തിക്കുന്നത്. 5 വയസിന് താഴെയുള്ള 23.28 ലക്ഷം കുട്ടികള്ക്കാണ് പോളിയോ നല്കുക. 23,471 ബൂത്തുകളും, അരലക്ഷത്തോളം ആരോഗ്യ പ്രവര്ത്തകരേയും സജ്ജമാക്കിയിട്ടുണ്ട്. എന്തെങ്കിലും കാരണത്താല് തുള്ളിമരുന്ന് നല്കാന് സാധിക്കാത്ത കുഞ്ഞുങ്ങള്ക്ക് ഭവന സന്ദര്ശന വേളയില് തുള്ളിമരുന്ന് നല്കുന്നതാണെന്നും ആരോഗ്യവകുപ്പ് അറിയിച്ചിട്ടുണ്ട്.
