പൊഴിയൂര് സംസ്ഥാനത്തെ രണ്ടാമത്തെ ഏറ്റവും വലിയ മത്സ്യബന്ധന തുറമുഖമാകുന്നു . നീണ്ട കാലത്തെ സ്വപ്നമാണ് ഇതെന്നും നിര്മാണം പൂര്ത്തിയാകുന്നതോടെ ഏത് കാലാവസ്ഥയിലും വള്ളമിറക്കാന് കഴിയുന്ന ആധുനിക മത്സ്യബന്ധന തുറമുഖമാകുമിതെന്നും അധികൃതര് അറിയിച്ചു. കേന്ദ്ര -സംസ്ഥാന സര്ക്കാരുകള് സംയുക്തമായാണ് പദ്ധതി നടപ്പിലാക്കുന്നത്.ഒന്നാം ഘട്ടത്തില് തന്നെ ചെറുതും വലുതുമായ വള്ളങ്ങള്ക്കായി 200 മീറ്റര് വീതിയില് ഹാര്ബര് നിര്മിക്കും. രണ്ടാം ഘട്ടത്തില് ആഴക്കടല് മത്സ്യബന്ധന ബോട്ടുകള്ക്ക് കൂടി തുറമുഖത്ത് വരാൻ സൗകര്യമൊരുക്കും. 300 മീറ്റര് കടലിലേയ്ക്ക് ഇറങ്ങിനിൽക്കുന്ന തരത്തിലാണ് തുറമുഖം രൂപകല്പന ചെയ്തിരിക്കുന്നതെന്നും അധികൃതര് അറിയിച്ചു.
