മയക്കുമരുന്നിന്റെ പിടിയിലേയ്ക്ക് ഇനി ഒരു കുട്ടിയെയും തള്ളിവിടാൻ പാടില്ല. ശക്തമാണ് നമ്മുടെ നിയമ സംവിധാനങ്ങൾ. ഇനിയും കൂടുതൽ കരുതൽ വേണം എന്ന് കൊച്ചി സിറ്റിയിൽ പുതുതായി ചുമതലയേറ്റ കമ്മീഷണർ കെ. സേതുരാമൻ പറഞ്ഞു.
ഒരു കുട്ടിയും മയക്കുമരുന്നിന് അടിമയാകാൻ പാടില്ല എന്നതാണ് പൊലീസ് നിലപാട്. അതിനു വേണ്ടി കർശന നടപടികൾ സ്വീകരിക്കും. ഏറ്റവും നല്ല നിയമപാലകർ ഉള്ള സിറ്റിയാണ്‌ കൊച്ചി. അതുകൊണ്ട് തന്നെ നല്ല രീതിയിൽ തന്നെ മുന്നോട്ട് പോകുമെന്നും കമ്മീഷണർ പറഞ്ഞു. കൊച്ചിയിലെ ലഹരിമാഫിയയെ കർശനമായി നേരിടുമെന്നും കൊച്ചി സിറ്റി പൊലീസ് കമ്മീഷണറായി ചുമതലയേറ്റ കെ. സേതുരാമൻ വ്യക്തമാക്കി.