വിഴിഞ്ഞം തുറമുഖമെന്ന പദ്ധതി 1992ല് കരുണാകരനാണ് പ്രഖ്യാപിച്ചതെന്ന് ശശി തരൂര് എം പി. പക്ഷേ അന്ന് അത് മുന്നോട്ടുപോയില്ലെന്നും ഉമ്മന് ചാണ്ടിയുടെ മുന്കൈയിലാണ് പദ്ധതി മുന്നോട്ടുപോയതെന്നും തരൂര് വിഴിഞ്ഞം തുറമുഖത്തെ ആദ്യ കപ്പലിനെ വരവേല്ക്കുന്ന പൊതുപരിപാടിയില് പറഞ്ഞു. എല്ലാ സര്ക്കാരുകളും വിഴിഞ്ഞം പദ്ധതി യാഥാര്ത്ഥ്യമാക്കാന് ശ്രമിച്ചിട്ടുണ്ടെന്നും തരൂര് പ്രസംഗത്തില് ചൂണ്ടിക്കാട്ടി. ഉമ്മന് ചാണ്ടിയുടെ ചിത്രത്തില് പുഷ്പാര്ച്ചന നടത്തിയ ശേഷമാണ് ശശി തരൂരും വി ഡി സതീശനും ഉള്പ്പെടെയുള്ള കോണ്ഗ്രസ് നേതാക്കള് ചടങ്ങിനെത്തിയത്.
