സ്ത്രീ പങ്കാളിത്തം ഉന്നത വിദ്യാഭ്യാസ മേഖലയിലും തൊഴില് മേഖലയിലും ഉറപ്പാക്കുകയാണ് സംസ്ഥാന സര്ക്കാരിന്റെ ലക്ഷ്യമെന്ന് മന്ത്രി വീണാ ജോര്ജ്. തിരുവന ന്തപുരം ജവഹര് ബാലഭവനില് സംഘടിപ്പിച്ച അന്താരാഷ്ട്ര വനിതാ ദിനാചരണം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. കരിയര് നഷ്ടപ്പെട്ടു പോയ സ്ത്രീകളെ തൊഴിലിടങ്ങളിലേക്ക് തിരിച്ചുകൊണ്ടു വരാനുള്ള ശ്രമങ്ങളാണ് സര്ക്കാര് നടത്തി വരുന്നത്.ഇതിന്റെ ഭാഗമായിട്ടാണ് ബാക്ക് ടു വര്ക്ക് പദ്ധതി, ക്രഷ്, നൈപുണ്യ പരിപാടികള് എന്നിവ ആവിഷ്കരിച്ച് നടപ്പാക്കി വരുന്നത്. സ്ത്രീ ക്ഷേമം, സുരക്ഷ എന്നിവയുമായി ബന്ധപ്പെട്ട് വിവ പ്രോഗ്രാം, ബ്രെസ്റ്റ് കാന്സര് ഉള്പ്പെടെയുള്ള രോഗങ്ങള് കണ്ടെത്തുന്നതിനുള്ള വാര്ഷിക ആരോഗ്യ സ്ക്രീനിംഗ് പോലുള്ള പദ്ധതികള് സര്ക്കാര് നടത്തി വരുന്നുണ്ടെന്നും മന്ത്രി പറഞ്ഞു.
