എല്ലാ രാഷ്ട്രീയ പാര്ട്ടികളും കണക്കാണെന്നും എല്ലാവരും അഴിമതിക്കാരാണെന്നും പറയുന്ന ഒരു വിഭാഗം നാട്ടിലുണ്ടെന്നും എന്നാൽ എല്ലാവരുടെയും ഗണത്തില് ഉള്പ്പെടുന്നവരല്ല കമ്മ്യൂണിസ്റ്റുകാര് എന്ന് അഭിമാനത്തോടെ തങ്ങൾ പറയാറുമുണ്ട്, അത് വെറും അവകാശവാദമല്ല എന്ന് തെളിയിക്കുന്നതാണ് ഇലക്ടറല് ബോണ്ട് സംബന്ധിച്ച വിശദാംശങ്ങളെന്ന് മന്ത്രി എംബി രാജേഷ്. കളങ്കിതമായ പണം കൈപ്പറ്റാത്ത ധാര്മിക ബലമാണ് നാലുവര്ഷം ഇലക്ടറല് ബോണ്ടിനെതിരെ നിയമയുദ്ധം നടത്താന് സിപിഎമ്മിന് കരുത്തായതെന്നും, ഇതുവരെ വന്ന കണക്കനുസരിച്ച് 75 ശതമാനവും പണം ഒഴുകിയിട്ടുള്ളത് ബിജെപിയിലേക്കാണ്. മറ്റെല്ലാവരും കൂടി സ്വന്തമാക്കിയിട്ടുള്ളത് ബാക്കി 25 ശതമാനം സംഭാവനകളാണെന്നും മന്ത്രി പറഞ്ഞു.
