വിഷന് 2031 ന്റെ ഭാഗമായി ഗതാഗത വകുപ്പ് സംഘടിപ്പിച്ച സെമിനാറിൽ റോഡ്, മെട്രോ, ജലഗതാഗതം എന്നിവയെ പരസ്പരം ബന്ധിച്ച് ഒറ്റ ടിക്കറ്റ് സംവിധാനം ഏര്പ്പെടുത്തുന്നത് പരിശോധിക്കുമെന്ന് ഗതാഗത വകുപ്പ് മന്ത്രി കെ ബി ഗണേഷ് കുമാര് വ്യക്തമാക്കി. ഒറ്റ ടിക്കറ്റെടുക്കുന്ന വ്യക്തിക്ക് ഈ മൂന്ന് സൗകര്യവും ഉപയോഗിക്കാനാകുമെന്നും പൊതുഗതാഗതം കൂടുതല് കാര്യക്ഷമമാകുമെന്നും മന്ത്രി പറഞ്ഞു. ജല, റോഡ് ഗതാഗതത്തെ ബന്ധിപ്പിച്ച് ട്രാന്സ്പോര്ട്ട് ഹബിന്റെ സാധ്യത പരിശോധിക്കും. ചര്ച്ചയിലൂടെ ഉരുത്തിരിഞ്ഞ ആശയങ്ങള് മുഖ്യമന്ത്രിയുടെ ശ്രദ്ധയില് പെടുത്തുമെന്ന് മന്ത്രി വ്യക്തമാക്കി.
