എസ്ഐആര് സമയക്രമം മാറ്റില്ലെന്നും ഡിസംബര് 9 ന് തന്നെ കരട് പട്ടിക പ്രസിദ്ധീകരിക്കുമെന്നും മുഖ്യതെരഞ്ഞെടുപ്പ് ഓഫീസര്. അതേ സമയം തെരഞ്ഞെടുപ്പ് കമ്മീഷൻ വിളിച്ച യോഗത്തിൽ തീവ്ര വോട്ടര് പട്ടിക പരിഷ്കരണം നീട്ടണമെന്നാവശ്യം ബിജെപി ഒഴികെയുള്ള പാര്ട്ടികള് ആവശ്യപ്പെട്ടു. ബിഎൽഒ അനീഷ് ജോര്ജ്ജിന്റെ മരണത്തിന് കാരണം ജോലി സമ്മര്ദ്ദമെന്ന സിപിഎം ആരോപിച്ചപ്പോള് പാര്ട്ടി ഗ്രാമങ്ങളിലെ ബിഎൽഒമാര്ക്ക് സുരക്ഷയൊരുക്കണമെന്ന് ബിജെപി യോഗത്തില് ആവശ്യപ്പെട്ടു.
കൊല്ലത്തും തൃശൂരും ആലപ്പുഴയിലും എൻഡിഎ, ബിജെപി സ്ഥാനാര്ത്ഥികളുടെ പത്രികകള് തള്ളി
കൊല്ലത്തും തൃശൂരും ആലപ്പുഴയിലും എൻഡിഎ, ബിജെപി സ്ഥാനാര്ത്ഥികളുടെ പത്രികകള് തള്ളി. കൊല്ലത്ത് കൊട്ടാരക്കര ബ്ലോക്ക് പഞ്ചായത്തിലെ എൻഡിഎ സ്ഥാനാര്ത്ഥിയുടെ പത്രികയാണ് തള്ളിയത്.ഇരുമ്പനങ്ങാട് ഡിവിഷൻ സ്ഥാനാർത്ഥി ആർ.ടി.സുജിത്തിന്റെ പത്രികയാണ് തള്ളിയത്. സ്ഥാനാര്ത്ഥിയെ നിര്ദേശിച്ച് ഒപ്പിട്ടയാള് ഡിവിഷന് പുറത്തു നിന്നുള്ളയാളായതാണ് കാരണം. തൃശൂരിൽ ശ്രീനാരായണപുരം ഗ്രാമപഞ്ചായത്തിൽ ബിജെപി സ്ഥാനാര്ത്ഥിയുടെ നാമനിർദ്ദേശ പത്രിക തള്ളി.
ശബരിമലയിലെ തിരക്ക് നിയന്ത്രണത്തിന്റെ ഭാഗമായി ദിവസേനയുള്ള സ്പോട്ട് ബുക്കിങ്ങിന്റെ എണ്ണം നിശ്ചയിക്കാൻ പ്രത്യേക കമ്മിറ്റി രൂപികരിച്ചു
ശബരിമലയിലെ തിരക്ക് നിയന്ത്രണത്തിന്റെ ഭാഗമായി ദിവസേനയുള്ള സ്പോട്ട് ബുക്കിങ്ങിന്റെ എണ്ണം നിശ്ചയിക്കാൻ പ്രത്യേക കമ്മിറ്റി രൂപികരിച്ചു. പൊലീസ് കോഡിനേറ്റർ, എക്സിക്യൂട്ടീവ് ഓഫീസർ, സ്പെഷ്യൽ കമ്മീഷണർ എന്നിവരാണ് കമ്മറ്റി അംഗങ്ങൾ. ഒരു മിനിറ്റിൽ 18 -ാം പടി കയറുന്ന തീർത്ഥാടകരുടെ എണ്ണം 85 ആക്കി ഉയർത്തും. ഇതിനായി പരിചയ സമ്പന്നരായ കൂടുതൽ പൊലീസുകാരെ നിയോഗിക്കും. നിലയ്ക്കലിലെ പാർക്കിംഗ് സംവിധാനം വർദ്ധിപ്പിക്കാനും തീരുമാനമായിട്ടുണ്ട്. എല്ലാദിവസവും എഡിഎമ്മിന്റെ നേതൃത്വത്തിൽ അവലോകന യോഗം ചേരാനും ഇന്ന് പമ്പയിൽ നടന്ന മന്ത്രി തലയോഗത്തിൽ തീരുമാനമായിട്ടുണ്ട്
ശബരിമല സ്വർണ്ണക്കൊള്ളയിൽ അറസ്റ്റിലായ ദേവസ്വം മുൻ പ്രസിഡണ്ട് എ പത്മകുമാറിൻറെ വീട്ടിൽ നിന്ന് സാമ്പത്തിക ഇടപാടുകളുടെ രേഖകൾ പിടിച്ചെടുത്ത് എസ്ഐടി
ശബരിമല സ്വർണ്ണക്കൊള്ളയിൽ അറസ്റ്റിലായ ദേവസ്വം മുൻ പ്രസിഡണ്ട് എ പത്മകുമാറിൻറെ വീട്ടിൽ നിന്ന് സാമ്പത്തിക ഇടപാടുകളുടെ രേഖകൾ പിടിച്ചെടുത്ത് എസ്ഐടി. താൻ പ്രസിഡണ്ടാകുന്നതിന് മുമ്പ് തന്നെ ഉണ്ണിക്കൃഷ്ണൻ പോറ്റിക്ക് ശബരിമലയിൽ നല്ല സ്വാധീനമുണ്ടായിരുന്നുവെന്നാണ് പത്മകുമാറിൻറെ മൊഴി. താനെടുത്ത തീരുമാനങ്ങൾക്ക് ബോർഡിലെ മറ്റ് അംഗങ്ങൾക്കും അറിവുണ്ടായിരുന്നുവെന്നും പത്മകുമാർ മൊഴി നൽകി.
രാത്രി വാർത്തകൾ
ശബരിമല സ്വർണ്ണക്കൊള്ളയിൽ അറസ്റ്റിലായ ദേവസ്വം മുൻ പ്രസിഡണ്ട് എ പത്മകുമാറിൻറെ വീട്ടിൽ നിന്ന് സാമ്പത്തിക ഇടപാടുകളുടെ രേഖകൾ പിടിച്ചെടുത്ത് എസ്ഐടി. താൻ പ്രസിഡണ്ടാകുന്നതിന് മുമ്പ് തന്നെ ഉണ്ണിക്കൃഷ്ണൻ പോറ്റിക്ക് ശബരിമലയിൽ നല്ല സ്വാധീനമുണ്ടായിരുന്നുവെന്നാണ് പത്മകുമാറിൻറെ മൊഴി. താനെടുത്ത തീരുമാനങ്ങൾക്ക് ബോർഡിലെ മറ്റ് അംഗങ്ങൾക്കും അറിവുണ്ടായിരുന്നുവെന്നും പത്മകുമാർ മൊഴി നൽകി. ശബരിമലയിലെ തിരക്ക് നിയന്ത്രണത്തിന്റെ ഭാഗമായി ദിവസേനയുള്ള സ്പോട്ട് ബുക്കിങ്ങിന്റെ എണ്ണം നിശ്ചയിക്കാൻ പ്രത്യേക കമ്മിറ്റി രൂപികരിച്ചു. പൊലീസ് കോഡിനേറ്റർ, എക്സിക്യൂട്ടീവ് ഓഫീസർ, […]
റഷ്യന് ക്രൂഡ് ഓയിലിന്റെ ഇറക്കുമതി നിര്ത്തി റിലയന്സ്
റഷ്യന് ക്രൂഡ് ഓയിലിന്റെ ഇറക്കുമതി നിര്ത്തി റിലയന്സ് ഇന്ഡസ്ട്രീസ് ലിമിറ്റഡ്. ഗുജറാത്തിലെ ജാംനഗറിലെ റിഫൈനറിയിലേക്കുള്ള റഷ്യന് ക്രൂഡോയിലിന്റെ ഇറക്കുമതിയാണ് നിര്ത്തിയത്. യൂറോപ്യന് യൂണിയന് ഉപരോധങ്ങള് പാലിക്കുന്നതിന്റെ ഭാഗമായാണ് നീക്കം. കയറ്റുമതി കൈകാര്യം ചെയ്യുന്ന റിഫൈനറിയില് റഷ്യന് ക്രൂഡോയില് ഉപയോഗിക്കുന്നത് നിര്ത്തിവെച്ചതായും കമ്പനി അറിയിച്ചു. ഇന്ത്യയില് ഏറ്റവുമധികം റഷ്യന് എണ്ണ വാങ്ങുന്ന സ്ഥാപനമാണ് റിലയന്സ്. റഷ്യന് എണ്ണ സംസ്കരിച്ച് പെട്രോള്, ഡീസല് തുടങ്ങിയ ഉല്പ്പന്നങ്ങളാക്കി യൂറോപ്യന് യൂണിയന്, യുഎസ്, മറ്റ് രാജ്യങ്ങളിലേക്ക് വലിയ തോതില് കയറ്റുമതി ചെയ്യുന്നവരില് പ്രമുഖരാണ് […]
‘അടി നാശം വെള്ളപ്പൊക്കം’ സിനിമ ടീസര്
സൂര്യഭാരതി ക്രിയേഷന്സിന്റെ ബാനറില് മനോജ് കുമാര് കെ പി നിര്മ്മിച്ച്, അടി കപ്യാരേ കൂട്ടമണി, ഉറിയടി എന്നീ ചിത്രങ്ങള് സംവിധാനം ചെയ്ത എ ജെ വര്ഗീസ് ഒരുക്കുന്ന ‘അടി നാശം വെള്ളപ്പൊക്കം’ സിനിമയുടെ ടീസര് പുറത്തിറങ്ങി. ഹൈറേഞ്ചില് സ്ഥിതി ചെയ്യുന്ന ഇന്റര്നാഷണല് സ്കൂളിന്റെ പശ്ചാത്തലത്തില് മൂന്നു നാലു വിദ്യാര്ത്ഥികളിലൂടെ കഥ പറഞ്ഞു പോകുന്ന ചിത്രം ഒരു മുഴുനീള കോമഡി ചിത്രം കൂടിയായിരിക്കുമെന്നാണ് ടീസര് വ്യക്തമാക്കുന്നത്. കുറെ വര്ഷങ്ങള്ക്ക് ശേഷം പ്രേം കുമാര് തന്റെ കോമഡി പ്രകടനവുമായി ശക്തമായി […]
‘ഇത്തിരി നേരം’ ചിത്രത്തിലെ മറ്റൊരു ഗാനം
റോഷന് മാത്യു, സെറിന് ഷിഹാബ് എന്നിവരെ പ്രധാന കഥാപാത്രങ്ങളാക്കി പ്രശാന്ത് വിജയ് സംവിധാനം ചെയ്ത ‘ഇത്തിരി നേരം’ എന്ന ചിത്രത്തിലെ മറ്റൊരു ഗാനം കൂടി അണിയറക്കാര് പുറത്തുവിട്ടു. നിശയില് എന്ന ഗാനത്തിന് വരികള് എഴുതിയിരിക്കുന്നതും സംഗീതം പകര്ന്നിരിക്കുന്നതും ബേസില് സി ജെ ആണ്. വീത്രാഗ് ആണ് ആലപിച്ചിരിക്കുന്നത്. പ്രണയത്തിന് പ്രാധാന്യം നല്കുന്ന ചിത്രം ജിയോ ബേബിയാണ് അവതരിപ്പിക്കുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് വിശാഖ് ശക്തിയാണ്. നന്ദു, ആനന്ദ് മന്മഥന്, ജിയോ ബേബി, കണ്ണന് നായര്, കൃഷ്ണന് ബാലകൃഷ്ണന്, […]
പുതിയ മന ബ്ലാക്ക് കളര് വേരിയന്റുമായി ഹിമാലയന്
ഐക്കണിക്ക് ടൂവീലര് ബ്രാന്ഡായ റോയല് എന്ഫീല്ഡ് തങ്ങളുടെ ജനപ്രിയ മോട്ടോര്സൈക്കിള് ഹിമാലയന്റെ പുതിയ മന ബ്ലാക്ക് കളര് വേരിയന്റ് പുറത്തിറക്കി. ഇതിന്റെ എക്സ്-ഷോറൂം വില 3.37 ലക്ഷം രൂപയായി നിശ്ചയിച്ചിട്ടുണ്ട്. ഗോവയില് നടക്കുന്ന മോട്ടോര്വേഴ്സ് 2025-ല് വില പ്രഖ്യാപിച്ചു. ലോകത്തിലെ ഏറ്റവും ഉയരം കൂടിയതും കടുപ്പമേറിയതുമായ പാസുകളിലൊന്നായ മന പാസില് നിന്ന് പ്രചോദനം ഉള്ക്കൊണ്ടാണ് ഈ പുതിയ റോയല് എന്ഫീല്ഡ് ഹിമാലയന് നിര്മ്മിച്ചിരിക്കുന്നത്. ബൈക്കില് കറുത്ത റാലി ഹാന്ഡ് ഗാര്ഡുകള്, ഒരു റാലി, ഒരു ഹൈ-മൗണ്ട് റാലി […]
പ്രണയക്കാവിലമ്മ
”ഞാന് മനസ്സിലാക്കി – എന്റെ അമ്മയെ അല്ല, വിലാസിനി എന്ന സ്ത്രീയെ, അവരുടെ വിവാഹത്തെ, അവരുടെ ഭര്ത്താവിനെ, അവിഹിതഗര്ഭം ചുമന്ന അവരുടെ മകളെ, അവരുടെ ഒറ്റപ്പെടലിനെ, സങ്കടങ്ങളെ, ശമനം കിട്ടാതെപോയ ഉടല്പ്പെരുക്കങ്ങളെ, ഉറക്കം വെടിഞ്ഞ അനേകം രാത്രികളെ, അടുക്കളവട്ടത്തില് ഊര്ന്നുവീണ കണ്ണീരിനെ, പറയാന് കഴിയാതെ ഉള്ളിലൊളിപ്പിച്ച നോവുകളെ, കാലില് തറച്ച മുള്ളുകളെ, സാന്ത്വനമായി വന്നെത്താത്ത സ്നേഹവിരലുകളെ, കുളിരായി പുണരാത്ത പ്രണയപ്പച്ചകളെ, എല്ലാത്തിനുമപ്പുറം നാല്പത്തിമൂന്നു വര്ഷം ഉള്ളിലെ ഗര്ഭത്തില് അവര് വഹിച്ച ജീവിതമെന്ന ചാപിള്ളയെ…”. ‘പ്രണയക്കാവിലമ്മ’. മുഹമ്മദ് അബ്ബാസ്. […]
