രാജ്ഭവൻ ഉപരോധ സമരത്തിൽ പങ്കെടുക്കാത്ത ജയരാജനെ തിരഞ്ഞ മാധ്യങ്ങൾക്ക് മുന്നിൽ പ്രത്യക്ഷപ്പെട്ട് ഇ പി ജയരാജൻ.അസുഖം ബാധിച്ച് ചികിത്സയിലായതിനാലാണ് ഗവർണർക്കെതിരെ ഇടതുമുന്നണി നടത്തിയ സമരത്തിൽ പങ്കെടുക്കാതിരുന്നതെന്ന് ഇടത് മുന്നണി കൺവീനർ പറഞ്ഞു. അസാന്നിധ്യം വാർത്തയായതിനെ തുടർന്ന് സ്വന്തം വീട്ടിൽ വാർത്താ സമ്മേളനം നടത്തി കാര്യം വിശദീകരിക്കുകയായിരുന്നു അദ്ദേഹം. ചികിത്സാർത്ഥം തനിക്ക് പാർട്ടി ലീവ് അനുവദിച്ചിരിക്കുകയാണെന്നും നേരത്തെ നിശ്ചയിച്ച ചില പരിപാടികളിൽ ചികിത്സയ്ക്കിടെ പങ്കെടുത്തു എന്നു മാത്രമേയുള്ളൂ എന്നും അദ്ദേഹം പറഞ്ഞു. എന്നാൽ അത് ആരോഗ്യ നില കൂടുതൽ […]

ആർ എസ് എസ്സിനെക്കുറിച്ച് പറഞ്ഞ വിഷയത്തിൽ സുധാകരൻ വിശദീകരണം നൽകിയതോടെ ആ വിഷയം അവസാനിച്ചു എന്ന് പ്രതിപക്ഷ നേതാവ് വി ഡി സതീശൻ. സ‌‌‌‌ർക്കാരിനെതിരായ സമരത്തിൽ നിന്ന് ഫോക്കസ് മാറ്റാനാണ് ഇത്തരം അടിസ്ഥാനപരമായ വാർത്തകൾ പ്രചരിപ്പിക്കുന്നത് എന്നും പ്രതിപക്ഷ നേതാവ് പറഞ്ഞു.കെപിസിസി പ്രസിഡന്റ് കെ സുധാകരൻ രാജിസന്നദ്ധത അറിയിച്ചു എന്നത് തെറ്റായ വാ‌‌ർത്തയാണ്. നാക്കുപിഴ പറ്റിയെന്ന അദ്ദേഹത്തിന്റെ വിശദീകരണം പാ‌‌‌ർട്ടി സ്വീകരിച്ചതാണ്. രാഹുൽ ഗാന്ധിക്ക് രാജിക്കത്ത് കൊടുത്തു എന്നതൊക്കെ ശൂന്യാകാശത്തിൽ നിന്നും പടച്ചു വിടുന്ന വാർത്തകളാണ് . […]

മറ്റൊരു പോസ്റ്റർ വിവാദം. ഗവർണ്ണറെ അപമാനിക്കും വിധത്തിൽ പോസ്റ്റർ ഒട്ടിച്ച സംഭവത്തിൽ രാജ്ഭവന്റെ ഇടപെടൽ. തിരുവനന്തപുരം സംസ്‌കൃത കോളേജ് പ്രിൻസിപ്പലിനോട് വിശദീകരണം തേടുമെന്ന് രാജ്ഭവൻ വൃത്തങ്ങൾ അറിയിച്ചു. കേരള സർവകലാശാല വൈസ് ചാൻസലർക്കും സർവകലാശാല രജിസ്ട്രാർക്കുമാണ് നിർദ്ദേശം നൽകിയത്. ഗവർണറെ അധിക്ഷേപിക്കുന്ന പോസ്റ്റർ എസ് എഫ് ഐ യുടെ പേരിൽ എഴുതിയതാണ്.കോളേജിന്റെ പ്രധാന കവാടത്തിൽ ഉയർത്തിക്കെട്ടിയ ബാനറിലാണ് അധിക്ഷേപിക്കുന്ന നിലയിലുള്ള വാക്കുകളുള്ളത്.

വിവാദ പ്രസ്താവനകൾക്ക് വിശദീകരണം നൽകിയിട്ടും പിന്തുണ കിട്ടാത്തതിനാൽ രാജി സന്നദ്ധത അറിയിച്ച് രാഹുൽ ഗാന്ധിക്ക് സുധാകരൻ കത്തയച്ചു എന്ന വാർത്ത നിഷേധിച്ച് രമേശ് ചെന്നിത്തല. താൻ സുധാകരനുമായി സംസാരിച്ചെന്ന് അദ്ദേഹം പറഞ്ഞു. കറ കളഞ്ഞ മതേതരവാദിയായ സുധാകരന് അതിൽ ബിജെപിയുടെയോ സിപിഎമ്മിന്റെയോ സർട്ടിഫിക്കറ്റ് വേണ്ടെന്ന് ചെന്നിത്തല പറഞ്ഞു.’കോൺഗ്രസിന്റെ അടിസ്ഥാന നയം മതേതരത്വമാണ്. ഒരു മണിക്കൂർ നീണ്ട പ്രസംഗത്തിലെ ഒരു വാചകത്തിലുണ്ടായ നാക്കുപിഴയാണിവിടെ വിവാദമായത്. പിഴവുണ്ടായെന്ന കാര്യം ഏറ്റുപറയുമ്പോൾ പിന്നെ വിവാദം ആവശ്യമില്ല. കറ തീർന്ന മതേതരവാദിയായാണ് സുധാകരൻ […]

വിവാദ കത്തിനെക്കുറിച്ചുള്ള വിജിലൻസിന്റെ അന്വേഷണം വൈകും .മേയർ ആര്യ രാജേന്ദ്രന്റേയും കൗൺസിലർ ഡി.ആർ.അനിലിന്റേയും ശുപാർശ കത്തുകളെ കുറിച്ചും പിൻവാതിൽ നിയമങ്ങളെ കുറിച്ചുമുള്ള പ്രാഥമിക അന്വേഷണം പൂർത്തിയാക്കാൻ 45 ദിവസമെടുക്കാമെന്നതിനാലാണ് അന്വേഷണം വൈകുന്നത്. കത്തിന്റെ ആധികാരിത ,പിൻവാതിൽ നിയമനങ്ങൾ എന്നിവയിൽ ഇനിയും അന്വേഷണം പൂർത്തീകരിക്കാനുണ്ടെന്ന നിലപാടിലാണ് വിജിലൻസ്.ശുപാർശ കത്തിൽ സിബിഐ അന്വേഷണം ആവശ്യപ്പെട്ടുള്ള ഹർജി അടുത്ത ആഴ്ച ഹൈക്കോടതി പരിഗണിക്കും. അന്വേഷണം തുടരുകയാണെന്ന നിലപാടായിരിക്കും വിജിലൻസ് സ്വീകരിക്കുക. അതേസമയം ഇന്നും മേയറുടെ രാജി ആവശ്യപ്പെട്ടുള്ള മഹിളാകോൺഗ്രസ്സിന്റെ പ്രതിഷേധ സമരം […]