സാഫ് ഫുട്ബോള് ചാമ്പ്യൻഷിപ്പില് പാകിസ്താനെ തകർത്ത് ഇന്ത്യ. ഈ വിജയത്തോടെ ഇന്ത്യ ഗ്രൂപ്പ് എ യില് ഒന്നാമതെത്തി. ഇന്ത്യക്കായി നായകൻ സുനിൽ ഛേത്രി ഹാട്രിക് ഗോളുകൾ നേടിയപ്പോൾ ഉദാന്ത സിങിന്റെ വകയായിരുന്നു നാലാം ഗോൾ. ഛേത്രിയുടെ രണ്ട് ഗോളുകൾ പെനൽറ്റിയിലൂടെയായിരുന്നു.ഇന്റര് കോണ്ടിനെന്റല് കപ്പ് വിജയത്തിന്റെ തിളക്കത്തിലാണ് ഛേത്രിയും സംഘവും സാഫ് കപ്പില് മത്സരിക്കാനിറങ്ങിയത്. വിസ പ്രശ്നങ്ങള് കാരണം ബംഗളൂരുവില് വൈകിയെത്തിയ പാകിസ്ഥാന് കാര്യമായ പരിശീലനമൊന്നും ലഭിച്ചിരുന്നില്ല. സഹല് അബ്ദുല് സമദും ആഷിക് കുരുണിയനുമായിരുന്നു ടീമിലെ മലയാളി സാന്നിധ്യം. ഫിഫ റാങ്കില് നിലവില് ഇന്ത്യ 101-ാം സ്ഥാനത്താണ്. പാകിസ്ഥാന് 195-ാം സ്ഥാനത്തും.
