2025 ഹീറോ കരിസ്മ എക്സ്എംആര് 210 ഒടുവില് ഇന്ത്യയില് എത്തി. ബേസ്, ടോപ്പ്, കോംബാറ്റ് എഡിഷന് എന്നീ മൂന്ന് വേരിയന്റുകളിലാണ് ബൈക്ക് നിര വരുന്നത്. യഥാക്രമം 1,81,400 രൂപ, 1,99,750 രൂപ, 2,01,500 രൂപ എന്നിങ്ങനെയാണ് വില. ടോപ്പ് വേരിയന്റിനേക്കാള് 1,750 രൂപ മാത്രം കൂടുതലാണ്. പരിചിതമായ 210 സിസി, സിംഗിള് സിലിണ്ടര്, ലിക്വിഡ്-കൂള്ഡ് എഞ്ചിനാണ് മോട്ടോര്സൈക്കിളിന് കരുത്ത് പകരുന്നത്, ഇത് 9,250 ആര്പിഎമ്മില് 25.15 എന്എം പരമാവധി പവറും 7,250 ആര്പിഎമ്മില് 20.4 എന്എം പീക്ക് ടോര്ക്കും നല്കുന്നു. പവര്ട്രെയിന് ആറ് സ്പീഡ് ഗിയര്ബോക്സുമായി ബന്ധിപ്പിച്ചിരിക്കുന്നു. കൂടാതെ സ്റ്റാന്ഡേര്ഡായി സ്ലിപ്പര് ക്ലച്ചും ഉണ്ട്. രൂപകല്പ്പനയുടെ കാര്യത്തില്, ഹീറോ കരിസ്മ എക്സ്എംആര് 210 അതിന്റെ ഷാര്പ്പായിട്ടുള്ളതും സ്പോര്ട്ടിയുമായ സ്റ്റൈലിംഗ് നിലനിര്ത്തുന്നു. സില്വര് ഗ്രാഫിക്സിനൊപ്പം സ്റ്റെല്ത്തി കോംബാറ്റ് ഗ്രേ പെയിന്റ് സ്കീമില് പൂര്ത്തിയാക്കിയ കോംബാറ്റ് എഡിഷന് മോട്ടോര്സൈക്കിളിന് കൂടുതല് ആകര്ഷണം നല്കുന്നു.
