ഇന്ന് അതിശക്ത മഴ മുന്നറിയിപ്പായ ഓറഞ്ച് അലർട്ട് ഒരു ജില്ലയിലും ഇല്ലെങ്കിലും 9 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് ഇന്ന് യെല്ലോ ജാഗ്രതയുള്ളത്. കേരള കർണാടക -ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇതോടൊപ്പം വെള്ളക്കെട്ടിൽ വീണ് താമരശ്ശേരി വടക്കൊരു അബ്ദുൽ ജലീലിൻ്റെയും നാജിറയുടെയും മക്കളായ മുഹമ്മദ് ഹാദി മുഹമ്മദ് ആഷിർ എന്നീ രണ്ടു കുട്ടികളും വെള്ളക്കെട്ടിൽ വീണ് മരണപ്പെട്ടു.
