ജിയോ അണ്ലിമിറ്റഡ് ഉപയോക്താക്കള്ക്ക് ഗൂഗിള് ജെമിനി 3-യുടെ അധിക സേവനം സൗജന്യമായി. നിലവില് ജിയോ അണ്ലിമിറ്റഡ് 5 ജി ഉപഭോക്താക്കള്ക്ക് 18 മാസത്തേക്കാണ് പ്ലാന് സൗജന്യമായി ലഭിക്കുക. ജിയോ ജെമിനി പ്രോ പ്ലാനിന്റെ പുതുക്കിയ പ്ലാനാണ് കമ്പനി പ്രഖ്യാപിച്ചിരിക്കുന്നത്. നേരത്തെ ഉണ്ടായിരുന്ന ഓഫറില് രണ്ട് മാറ്റങ്ങളാണ് ഇത്തവണ നടപ്പാക്കുന്നത്. യുവാക്കള്ക്ക് മാത്രം എന്ന നിലയില് നടപ്പാക്കിയിരുന്ന ഓഫര് യോഗ്യരായ എല്ലാ അണ്ലിമിറ്റഡ് 5ജി പ്ലാനുകളിലേക്കും വ്യാപിപ്പിച്ചു. ഗൂഗിള് ജെമിനിയുടെ ഏറ്റവും പുതിയ അപ്ഡേഷനായ ജെമിനി 3 സേവനവും ലഭിക്കും. നവംബര് 18 നാണ് ഗൂഗിള് ജെമിനി 3 പുറത്തിറക്കിയത്. പുതിയ പ്ലാനിലൂടെ എല്ലാ ജിയോ അണ്ലിമിറ്റഡ് 5 ജി തിരഞ്ഞെടുത്തവര്ക്കും 35100 രൂപ വിലമതിക്കുന്ന ജെമിനി പ്രോ പ്ലാന് 18 മാസത്തേക്ക് സൗജന്യമായി ലഭിക്കുമെന്നും കമ്പനി അറിയിച്ചു. മൈ ജിയോ ആപ്പിലെ ക്ലൈം നൈ എന്ന ഒപ്ഷന് ഉപയോഗിച്ച് ഈ സൗകര്യം ആക്ടിവേറ്റ് ചെയ്യാന് സാധിക്കും.
