കുട്ടനാട്ടില് കര്ഷക ആത്മഹത്യ. തകഴി കുന്നുമ്മ അംബേദ്കര് കോളനിയില് താമസിക്കുന്ന കര്ഷകന് കെ ജി പ്രസാദിനെയാണ് വിഷം കഴിച്ച് മരിച്ച നിലയില് കണ്ടെത്തിയത്. ബിജെപി കര്ഷക സംഘടനയുടെ ഭാരവാഹി കൂടിയാണ് പ്രസാദ്. സര്ക്കാരിനെതിരെ ഗുരുതര ആരോപണങ്ങള് ഉന്നയിക്കുന്ന കുറിപ്പ് എഴുതിവച്ച ശേഷമായിരുന്നു കര്ഷകന്റെ ആത്മഹത്യ.പിആര്എസ് വായ്പയില് സര്ക്കാര് കുടിശിക വരുത്തിയത് തിരിച്ചടിയായെന്നും തന്റെ മരണത്തിന് സര്ക്കാര് ഉത്തരവാദിയാണെന്നും സൂചിപ്പിച്ചാണ് പ്രസാദ് തന്റെ ആത്മഹത്യാക്കുറിപ്പെഴുതിയത്.
