എറണാകുളം, തിരുവനന്തപുരം, പാലക്കാട്, കൊല്ലം ജില്ലകളില് ഡെങ്കിപ്പനി കേസുകള് വര്ധിക്കുന്നു.ഡെങ്കി ഹോട്ട് സ്പോട്ടുകള് പ്രസിദ്ധീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി. മഴക്കാല പൂര്വ ശുചീകരണം കൃത്യമായി നടത്തണമെന്നും മന്ത്രി പറഞ്ഞു. വേനല്ക്കാല രോഗങ്ങളുടെ പൊതു സ്ഥിതി വിലയിരുത്തുന്നതിന് കൂടിയ യോഗത്തില് സംസാരിക്കുകയായിരുന്നു മന്ത്രി.വേനല്ക്കാല രോഗങ്ങളുടെ പ്രതിരോധത്തിനായി ഭക്ഷ്യ സുരക്ഷാ വകുപ്പ് പരിശോധനകള് ശക്തമാക്കി കര്ശന നടപടി സ്വീകരിക്കാന് നിര്ദേശം നല്കി. ജ്യൂസ് കടകളില് ഉപയോഗിക്കുന്ന ഐസ് പ്രത്യേകം പരിശോധിക്കും. ഹെപ്പറ്റൈറ്റിസ് എ കേസുകളുടെ പ്രതിരോധത്തിന് ആരോഗ്യ വകുപ്പ് ശക്തമായ ഇടപെടല് നടത്തി വരുന്നതായി മന്ത്രി അറിയിച്ചു.
