മുഖ്യമന്ത്രി പിണറായി വിജയൻ്റെ മകള് വീണയുടെ എക്സാലോജിക് കമ്പനിയുൾപ്പെട്ട സാമ്പത്തിക ഇടപാട് കേസിൽ അന്തിമ വാദം കേൾക്കൽ ദില്ലി ഹൈക്കോടതി വീണ്ടും മാറ്റി. എസ്എഫ്ഐഒ അന്വേഷണത്തിനും തുടർ നടപടിക്കുമെതിരെ സിഎംആർഎൽ കമ്പനി നല്കിയ ഹര്ജിയിലെ വാദം കേൾക്കലാണ് അടുത്ത വര്ഷം ജനുവരി 13–ലേക്ക് മാറ്റിയത്. ഇന്ന് ഹര്ജി പരിഗണിച്ചപ്പോള് എസ്.എഫ്.ഐ.ഒയ്ക്കും കേന്ദ്ര സര്ക്കാരിനുമായി അഭിഭാഷകര് കോടതിയില് ഹാജരായില്ല. തുടര്ന്നാണ് ജസ്റ്റിസ് നീന ബന്സാല് കൃഷ്ണ വാദം കേള്ക്കല് മാറ്റിയത്.
