പരിഷ്കരിച്ച പത്താം ക്ലാസ് പാഠപുസ്തകങ്ങളുടെ പ്രകാശനം മുഖ്യമന്ത്രി പിണറായി വിജയന് തിരുവനന്തപുരത്ത് നിയമസഭയിലെ ചേംബറില് ഒമ്പതാം ക്ലാസ് വിദ്യാര്ഥികള്ക്ക് നല്കി നിര്വഹിച്ചു. കേരള പൊതുവിദ്യാഭ്യാസ ചരിത്രത്തില് ആദ്യമായി ഒമ്പതാം ക്ലാസിലെ പരീക്ഷ കഴിയുന്നതിന് മുമ്പ് പത്താംക്ലാസിലെ പാഠപുസ്തകങ്ങള് വിദ്യാര്ത്ഥികളിലേക്കെത്തും. സംസ്ഥാനത്തെ പ്രീപ്രൈമറി മുതല് ഹയര്സെക്കന്ഡറിതലം വരെയുളള പാഠ്യപദ്ധതി പരിഷ്കരണപ്രവര്ത്തനങ്ങള് എസ്.സി.ഇ.ആര്.ടി.യുടെ നേതൃത്വത്തില് പുരോഗമിച്ചുവരികയാണ്. ആദ്യഘട്ടത്തില് ഒന്നു മുതല് പത്താം ക്ലാസ് വരെയുള്ള പാഠപുസ്തകങ്ങളുടെ പരിഷ്കരണം പൂര്ത്തീകരിച്ചു. ഹയര്സെക്കന്ഡറി പാഠപുസ്തകകങ്ങളുടെ പരിഷ്കരണം അടുത്ത വര്ഷം നടക്കും.
