കോഴിക്കോട് മുക്കത്തുള്ള എന്ഐടി ക്യാമ്പസില് അധ്യാപകനുനേരെ ആക്രമണം. എന്ഐടിയിലെ സിവില് എന്ജിനീയറിങ് പ്രൊഫസര് ജയചന്ദ്രനെ തമിഴ്നാട് സേലം സ്വദേശി വിനോദാണ് ആക്രമിച്ചത്. സംഭവത്തിനുശേഷം പ്രതിയായ വിനോദ് കുമാറിനെ കുന്നമംഗലം പൊലീസ് കസ്റ്റഡിയിലെടുത്തു. കുത്തിയ വിനോദ് കുമാര് എന്ഐടിയിലെ വിദ്യാര്ത്ഥിയല്ലെന്നും കൂടുതല് വിവരങ്ങള് അന്വേഷിച്ചുവരുകയാണെന്നും പൊലീസ് വ്യക്തമാക്കി. അതോടൊപ്പം പിടിയിലായ പ്രതി പരസ്പര വിരുദ്ധമായ കാര്യങ്ങളാണ് പൊലീസിനോട് പറയുന്നത്. പൊലീസ് ഇയാളെ കൂടുതല് ചോദ്യം ചെയ്തുവരുകയാണ്.
