ഇഡി നൽകിയ അഞ്ചാം സമൻസിനും ഹാജരാകാതെ അരവിന്ദ് കെജ്രിവാൾ

എൻഫോഴ്സ്മെൻറ് ഡയറക്റ്ററേറ്റ് നൽകിയ അഞ്ചാം സമൻസിനും ദില്ലി മുഖ്യമന്ത്രി അരവിന്ദ് കെജ്രിവാൾ ഹാജരായില്ല. അതോടൊപ്പം ചണ്ഡിഗഡ് മേയർ തെരഞ്ഞെടുപ്പിൽ അട്ടിമറിയാരോപിച്ച് ദില്ലി ബിജെപി ഓഫിസിന് സമീപം ആം ആദ്മി പാർട്ടി നടത്തിയ പ്രതിഷേധത്തിൽ കെജ്രിവാൾ പഞ്ചാബ് മുഖ്യമന്ത്രിയോടൊപ്പം പങ്കെടുത്തു. പൊലീസ് ബാരിക്കേഡ് കടന്ന് മാർച്ചിന് ശ്രമിച്ച പ്രവർത്തകരെ പൊലീസ് അറസ്റ്റ് ചെയ്ത് നീക്കി. എഎപി സർക്കാരിനെതിരെ ബിജെപി നടത്തിയ മാർച്ചും പൊലീസ് തടഞ്ഞു.