ഹേമ കമ്മിറ്റി റിപ്പോര്ട്ട് പുറത്തു വന്നതിന് പിന്നാലെ പ്രതികരണവുമായി സംവിധായകന് വിനയന്റെ ഫെയ്സ്ബുക്ക് കുറിപ്പ്. മലയാള സിനിമ മാഫിയാ സംഘമാക്കി മാറ്റാനായി മാക്ട എന്ന സംഘടനയെ തകര്ത്തെന്ന് വിനയന് ആരോപിച്ചു.ഹേമ കമ്മിറ്റി റിപ്പോര്ട്ട് വെളിയില് വന്നിരിക്കുന്ന ഈ സാഹചര്യത്തില് മലയാള സിനിമയെ ഇന്നും നിയന്ത്രിക്കുന്ന പ്രമുഖരേ.. ദയവായി നിങ്ങളുടെ മനസ്സാക്ഷിയുടെകണ്ണാടിയിലേക്കൊന്നു നോക്കൂ…. നിങ്ങളുടെ മുഖം വികൃതമല്ലേ…? എന്ന് അദ്ദേഹം ചോദിക്കുന്നു.അഭിനേതാക്കളുടെ സംഘടനയായ ‘അമ്മ’യ്ക്കെതിരെയും ഗുരുതരമായ ആരോപണങ്ങളാണ് അദ്ദേഹം ഫെയ്സ്ബുക്ക് കുറിപ്പില് ഉന്നയിക്കുന്നത്.
