ഇനിയൊരു അറിയിപ്പ് ഉണ്ടാകുന്നത് വരെ ബേപ്പൂര് ഹാര്ബറിലോ, ഫിഷ് ലാന്ഡിംഗ് സെന്ററുകളിലോ ബോട്ടുകള് അടുപ്പിക്കാനോ മത്സ്യം ഇറക്കാനോ പാടില്ല. മത്സ്യബന്ധനത്തിന് പോയിരിക്കുന്ന ബോട്ടുകളും വള്ളങ്ങളും വെള്ളയില് ഫിഷ് ലാന്ഡിംഗ് സെന്ററിലോ പുതിയാപ്പ ഫിഷ് ലാന്ഡിംഗ് സെന്ററിലോ അടുപ്പിക്കേണ്ടതാണെന്ന് കലക്ടര് ആവശ്യപ്പെട്ടു. മത്സ്യബന്ധനത്തിന് പോയ തൊഴിലാളികളെ വാര്ത്താവിനിമയ സംവിധാനങ്ങള് വഴി ഈ സന്ദേശം അറിയിക്കണമെന്നും ഫിഷറീസ് വകുപ്പിനോട് കലക്ടര് നിര്ദേശിച്ചു.
