‘തിറയാട്ടം’ എന്ന ചിത്രത്തിലെ പുതിയ ഗാനം ആസ്വാദകഹൃദയങ്ങള്‍ കീഴടക്കുന്നു. ‘മണ്ണിന്റെ മണമുള്ള’ എന്നു തുടങ്ങുന്ന ഗാനം മധു ബാലകൃഷ്ണന്‍ ആണ് ആലപിച്ചത്. സജീവ് കിളികുലം വരികള്‍ കുറിച്ച് സംഗീതം പകര്‍ന്നു. മനോരമ മ്യൂസിക് ആണ് തിറയാട്ടത്തിലെ പാട്ട് പ്രേക്ഷകര്‍ക്കു മുന്നിലെത്തിച്ചത്. ‘മണ്ണിന്റെ മണമുള്ള മനസ്സുമായി.. മഴ നനയും നിലാവിന്റെ നാലുകെട്ടില്‍.. വെറുതെയിരുന്നു കിനാവുകാണും ദ്രാവിഡരാജകുമാരന്‍….’. ചുരുങ്ങിയ സമയം കൊണ്ടു ശ്രദ്ധേയമായ ഈ ഗാനത്തിനു മികച്ച പ്രതികരണങ്ങളും ലഭിക്കുന്നു. സജീവ് കിളികുലം രചനയും സംവിധാനവും നിര്‍വഹിക്കുന്ന ചിത്രമാണ് ‘തിറയാട്ടം’. രാഖി എ.ആര്‍. ചിത്രം നിര്‍മിക്കുന്നു. പ്രശാന്ത് മാധവ് ഛായാഗ്രഹണവും രതീഷ് രാജ് എഡിറ്റിങ്ങും നിര്‍വഹിക്കുന്നു. ചിത്രം റിലീസിനു തയ്യാറെടുക്കുകയാണ്.