അതിഥി തൊഴിലാളി രജിസ്ട്രേഷന് വേണ്ടി ഏകീകൃത പോര്ട്ടലും മൊബൈല് ആപ്ലിക്കേഷനും വരുന്നു . മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തിലാണ് ഈ തീരുമാനം.പേര് രെജിസ്റ്റര് ചെയ്യുന്നവര്ക്ക് ആധാര് അധിഷ്ഠിതമായ യുണീക്ക് നമ്പര് നല്കും. ഈ നമ്പർ വിവിധ ഏജന്സികള്ക്ക് നൽകി വിവരങ്ങള് ലഭ്യമാക്കും. രജിസ്ട്രേഷന്റെ ഉത്തരവാദിത്വം തൊഴില്ദാതാവിന് മാത്രമായിരിക്കും. സ്ഥിരമായ തൊഴില്ദാതാവില്ലാത്ത വഴിയോരങ്ങളിലും മറ്റും തൊഴില് തേടുന്നവരുടെ രജിസ്ട്രേഷന് തൊഴിലാളികളെ താമസിപ്പിക്കുന്ന കെട്ടിട ഉടമസ്ഥനില് നിക്ഷിപ്തമാക്കും. പുതിയ സ്ഥലത്ത് ജോലിക്കോ താമസത്തിനോ ചെല്ലുമ്പോൾ തൊഴിലാളിയുടെ യൂണീക് നമ്പർ ഉപയോഗിച്ച് പുതിയ ഉടമയുടെ കീഴിൽ രജിസ്ട്രേഷൻ പുതുക്കുന്നതിനുള്ള ക്രമീകരണവും ഏർപ്പെടുത്തും.
