സംസ്ഥാന സർക്കാരിനോട് കേന്ദ്രസർക്കാർ കാണിക്കുന്ന അവഗണനയിൽ എൽഡിഎഫും യുഡിഎഫും ഒന്നിച്ചുള്ള സമരത്തിന് ഇല്ലെന്ന് യുഡിഎഫ്. യോജിച്ചുള്ള സമരം അണികളുടെ മനോവീര്യം തകർക്കുo എന്നാണ് പറയുന്നത്. പ്രതിപക്ഷ നേതാവ് വി ഡി സതീശനോട് മുഖ്യമന്ത്രി പിണറായി വിജയൻ കേന്ദ്രസർക്കാരിനെതിരെ ഡൽഹിയിൽ ഒരുമിച്ച് സമരം ചെയ്യുന്നതിനെക്കുറിച്നേരത്തെ അറിയിച്ചിരുന്നു. എന്നാൽ വി ഡി സതീശൻ പാർട്ടിയുമായി ആലോചിച്ച ശേഷം മറുപടി പറയാം എന്ന് അറിയിച്ചിരുന്നു. മുഖ്യമന്ത്രിയുടെ ക്ഷണം യുഡിഎഫ് നിരസിക്കും എന്നാണ് സൂചന. അടുത്ത യുഡിഫ് യോഗം വിഷയം ചർച്ച ചെയ്യും. പ്രതിപക്ഷ നേതാവും ഉപനേതാവും സർക്കാരിനെ തീരുമാനം അറിയിക്കും.
യോജിച്ചുള്ള സമരം വേണ്ടെന്ന് കോൺഗ്രസ് പാർട്ടിക്ക് അകത്തും ധാരണയായിട്ടുണ്ട്. കേന്ദ്രത്തിനെതിരെ ഡൽഹിയിൽ അടുത്ത മാസം 8 നാണ് ഇടതുമുന്നണി സമരം. ഡൽഹിയിലെ സമരത്തിൽ മുഖ്യമന്ത്രിയും മന്ത്രിമാരും പങ്കെടുക്കും.കേന്ദ്ര അവഗണന ചൂണ്ടിക്കാട്ടി ബി.ജെ.പി മുഖ്യമന്ത്രിമാർക്ക് കത്ത് നൽകാനും ഇടതു മുന്നണി നേതൃയോഗത്തിൽ തീരുമാനമായിട്ടുണ്ട്.