കണ്ണൂര് അയ്യന്കുന്ന് വനത്തില് നടന്ന വെടിവെപ്പില് രണ്ട് മാവോയിസ്റ്റുകള്ക്ക് വെടിയേറ്റതായി സംശയം. സ്ഥലത്തേക്ക് കൂടുതല് പൊലീസ് പുറപ്പെട്ടു. ഇന്ന് രാവിലെയോടെയാണ് അയ്യന്കുന്ന് ഉരുപ്പുകുറ്റിയില് വനമേഖലയില് തണ്ടര്ബോള്ട്ട് സംഘവും മാവോയിസ്റ്റുകളും തമ്മില് ഏറ്റുമുട്ടലുണ്ടായത്. വനത്തില് പട്രോളിങ് നടത്തുകയായിരുന്ന തണ്ടര്ബോള്ട്ട് സംഘത്തിനുനേരെ മാവോയിസ്റ്റുകള് വെടിയുതിര്ക്കുകയായിരുന്നുവെന്നും ഇതോടെ തണ്ടര്ബോള്ട്ട് തിരിച്ചും വെടിയുതിര്ക്കുകയായിരുന്നുവെന്നുമാണ് അധികൃതര് പറയുന്നത്.
