പ്രമുഖ വാഹന നിര്‍മ്മാതാക്കളായ ടൊയോട്ട തങ്ങളുടെ 2026 ഫോര്‍ച്യൂണര്‍ ലീഡര്‍ എഡിഷന്‍ വിപണിയില്‍ അവതരിപ്പിച്ചു. 36.51 ലക്ഷം രൂപയാണ് (എക്സ്- ഷോറൂം) പ്രാംരംഭ വില. ലീഡര്‍ എഡിഷന്റെ 4ഃ2 മാനുവല്‍ പതിപ്പിനാണ് 36.51 ലക്ഷം രൂപ. ഓട്ടോമാറ്റിക് പതിപ്പിന് 38.72 ലക്ഷം രൂപ വരും. വാഹനത്തിന്റെ ബുക്കിങ് 12ന് ആരംഭിക്കും. 2.8 ലിറ്റര്‍ ഫോര്‍ സിലിണ്ടര്‍ ഡീസല്‍ എന്‍ജിന്‍ തന്നെയാണ് ഇതിന് കരുത്തുപകരുന്നത്. 201 ബിഎച്ച്പി കരുത്തും സിക്സ് സ്പീഡ് ഓട്ടോമാറ്റിക് ഗിയര്‍ബോക്സിനൊപ്പം 500 എന്‍എം ടോര്‍ക്കും സിക്സ് സ്പീഡ് മാനുവല്‍ ഗിയര്‍ബോക്സിനൊപ്പം 420 എന്‍എം ടോര്‍ക്കും ഇത് ഉല്‍പ്പാദിപ്പിക്കുന്നു. ആംബിയന്റ് ലൈറ്റിങ് ആണ് മറ്റൊരു പ്രത്യേകത. ഓട്ടോ ഫോള്‍ഡിങ് ഒആര്‍വിഎമ്മുകളും ടയര്‍ പ്രഷര്‍ മോണിറ്ററിങ് സിസ്റ്റവുമാണ് മറ്റു ഫീച്ചറുകള്‍. സൂപ്പര്‍ വൈറ്റ്, പ്ലാറ്റിനം വൈറ്റ് പേള്‍, ആറ്റിറ്റിയൂട്ട് ബ്ലാക്ക് എന്നി നിറങ്ങളില്‍ ഇത് ലഭ്യമാണ്.