മഴക്കാലം ആരംഭിച്ച സാഹചര്യത്തില് സ്വകാര്യ ഏജന്സികള് വഴി ജൈവമാലിന്യം നീക്കം ചെയ്യുന്ന സംവിധാനം പൂര്ണ്ണതോതില് പ്രാവര്ത്തികമാകുന്നതിനുളള കാലതാമസം പരിഗണിച്ച് കൊച്ചി കോര്പ്പറേഷനിലെ ജൈവമാലിന്യം രണ്ടു മാസത്തേക്ക് കൂടി ബ്രഹ്മപുരത്തേക്ക് കൊണ്ടുപോകാന് തീരുമാനം. കോര്പറേഷനിലെ മാലിന്യനിര്മാര്ജ്ജനവുമായി ബന്ധപ്പെട്ട വിഷയങ്ങള് ചര്ച്ച ചെയ്യുന്നതിനായി മന്ത്രി എം.ബി രാജേഷ്, മന്ത്രി പി. രാജീവ് എന്നിവരുടെ നേതൃത്വത്തില് ചേര്ന്ന ഓണ്ലൈന് യോഗത്തിലാണ് തീരുമാനം.
