ലോകത്തെ ഏറ്റവും വലിയ എലിവേറ്റര്‍
മൂംബൈയിലെ ജിയോ വേള്‍ഡ് സെന്ററിലാണ് ലോകത്തെ ഏറ്റവും വലിയ എലിവേറ്ററുള്ളത്. ഒരേസമയം 235 പേരെ മുകളിലെ നിലകളിലേക്ക് എത്തിക്കാന്‍ ശേഷിയുള്ളതാണ് ഈ എലിവേറ്റര്‍. പത്തു പേര്‍ക്ക് ഇരിക്കാവുന്ന രണ്ടു സോഫകളും എലിവേറ്ററിനുള്ളിലുണ്ട്. അത്യാകര്‍ഷകമായ ദീപാലങ്കാരങ്ങളും പുറംകാഴ്ചകള്‍ കാണാവുന്ന ചില്ലു പാളികളുമെല്ലാമുള്ള എലിവേറ്ററിലെ സഞ്ചാരംതന്നെ ഒരു അനുഭവമാണ്. നാലു നിലകളിലായി അഞ്ചു ലക്ഷം ചതുരശ്രയടി വിസ്തീര്‍ണമുള്ള കെട്ടിട സമുച്ചയമാണിത്. ഇന്ത്യയിലെ ഏറ്റവും വലിയ വാണിജ്യ, മള്‍ട്ടി പ്ലക്സ് തീയേറ്റര്‍ കണ്‍വന്‍ഷന്‍ സെന്ററിലേക്കു കൂട്ടത്തോടെ എത്തുന്ന വിവിഐപികള്‍ക്കു യഥാസ്ഥാനങ്ങളില്‍ അതിവേഗം എത്താനാവുന്ന ലിഫ്റ്റും അങ്ങനെ ലോക റിക്കാര്‍ഡായി.